Нылкышно творчествоя "Чеберай" марафон ужзэ азьланьтэ







Чуказе Чеберайёсмы потозы Иже, ортчоз вашкала дисен фотосессия. Та туспуктэмъёсты адзысалды, дыр, финал радъяськыку, нош мон ой чида. Макем воштиське нылкышнолэн вылтусыз, куке дися вашкалазэ: синъёс шудо, выросъёс гань-ганесь луо, сюлэм шуныт котырак волске, адямиосты бордаз кыске. Зучьёс магнетизм шуысалзы. Монъя, вашкалазэ дисяськом ке, пересьёсынымы огъясь кужым жуатске, асьмеды радъя, уте.

Дэбес палан нылкышно дэра дэремъёс векчи пужыё. Берпалаз, кус вадьсын, туж векчи чепылляса люкам - кутинь быж(павлиний хвост, "кильымо"). Дэремлэн таче езэтэз нылкышноосты веськрес каре, мугор выросъёссэ - лобась, уясь. Мукетыз вариант - волмытгес кофта но чепылляса вурем юбка. Кыкнаяз ик одно луыны кулэ муресазь, айшет, кышет.

Сизиськом Чеберайёсмылы азьланезлы оскон! Вормон!

Недавние посты
Архив
Поиск по тегам
Тегов пока нет.
Мы в соцсетях
  • Facebook Basic Square
  • Twitter Basic Square
  • Google+ Basic Square